ຂ່າວດີແລ້ວ! ອາກາດຈະອຸ່ນຂຶ້ນ 1ຫາ 2 ອົງສາ ໃນແຕ່ລະພາກ

ຂ່າວດີແລ້ວ! ອາກາດຈະອຸ່ນຂຶ້ນ 1ຫາ 2 ອົງສາ ໃນແຕ່ລະພາກ

12th December 2019 0 By Admin

ກົມອຸຕຸນິຍົມ ແລະ ອຸທົກກະສາດ ໄດ້ລາຍງານສະພາບອາກາດໂດຍທົ່ວໄປລວມເວລາ 7:00 ໂມງຂອງວັນທີ 12 ທັນວາ 2019 ຄວາມກົດດັນສູງຂອງເຢັນທີ່ປົກຄຸມຢູ່ທົ່ວທຸກພາກຂອງປະເທດລາວໄດ້ອ່ອນກໍາລັງລົງເລັກນ້ອຍ, ສົມທົບກັບກະແສລົມຕາເວັນອອກສ່ຽງເໜືອພັດປົກຄຸມເປັນສ່ວນໃຫ່ຍ, ຊຶ່ງຈະເຮັດໃຫ້ອຸນຫະພູມອາກາດຈະອຸ່ນຂຶ້ນ 1 ຫາ 2 ອົງສາຢູ່ໃນແຕ່ລະພາກ, ແຕ່ສະພາບອາກາດອາກາດຍັງຈະໜາວເຢັນໃນຕອນກາງຄືນ ຫາ ຕອນເຊົ້າໂດຍສະເພາະຢູ່ເຂດແຂວງພາກ ເໜືອ, ແຂວງໄຊສົມບູນ ແລະ ເຂດພູພຽງບໍລະເວນ ອາກາດຍັງໜາວເຢັນຫຼາຍພ້ອມມີ ໝອກໜາປົກຫຸ້ມໃນຕອນເຊົ້າ.


ພາກເໜືອດ້ານຕາເວັນອອກ (ຜົ້ງສາລີ, ວຽງໄຊ, ຊຳເໜືອ, ຊຽງຂວາງ) ອຸນຫະພູມອາກາດຈະຄ່ອຍອູ່ນຂຶ້ນ 1 ຫາ 2 ອົງສາ ແຕ່ອາກາດຍັງຈະໜາວເຢັນຫຼາຍ, ພ້ອມມີໝອກໜາປົກຫຸ້ມໃນຕອນເຊົ້າ ແລະ ມີລົມພັດແຮງຢູ່ບາງທ້ອງຖິ່ນ ແຂວງຫົວພັນ ແລະ ຊຽງຂວາງ. ອຸນຫະພູມໃນລະຫວ່າງ 3-21 ອົງສາ.


ພາກເໜືອດ້ານຕາເວັນຕົກ (ອາກາດຍັງຈະໜາວເຢັນຫຼາຍ ພ້ອມຈະມີໝອກບາງປົກຫຸ້ມຢູ່ທົ່ວໄປ ແລະ ມີໝອກໜາປົກຫຸ້ມຢູ່ບາງທ້ອງຖິ່ນໃນຕອນເຊົ້າ ແລະ ໃນຕອນບ່າຍອຸນຫະພູມອາກາດຈະສູງຂຶ້ນ 1-2 ອົງສາ. ອຸນຫະພູມໃນລະຫວ່າງ 4-28 ອົງສາ.


ພາກກາງ (ໂພນໂຮງ,ປາກຊັນ, ຫຼັກ20, ເມືອງ ວຽງທອງ, ນາຍກາຍ, ທ່າແຂກ, ສະຫວັນນະເຂດ ແລະ ເຊໂນ) ອຸນຫະພູມອາກາດຈະຄ່ອຍໆເພີ່ມຂຶ້ນ 1-2 ອົງສາ ແຕ່ສະພາບອາກາດຍັງຈະໜາວເຢັນໃນຕອນກາງຄືນ ຫາ ຕອນເຊົ້າ ໂດຍສະເພາະຢູ່ດ້ານຕາເວັນອອກຂອງພາກ ພ້ອມມີໝອກບາງປົກຫຸ້ມຢູ່ທົ່ວໄປ. ອຸນຫະພູມໃນລະຫວ່າງ 10-30 ອົງສາ. ສະເພາະແຂວງ ໄຊສົມບູນ ອາກາດຍັງສືບຕໍ່ໜາວເຢັນຫຼາຍ ພ້ອມມີໝອກໜາປົກຫຸ້ມຢູ່ທົ່ວໄປ. ອຸນຫະພູມໃນລະຫວ່າງ 2-23 ອົງສາ.
ສະເພາະນະຄອນຫຼວງວຽງຈັນ ທ້ອງຟ້າແຈ້ງ, ອາກາດຍງຈະໜາວເຢັນໃນຕອນກາງຄືນ ຫາ ຕອນເຊົ້າ ພ້ອມມີໝອກບາງປົກຫຸ້ມຢູ່ທົ່ວໄປ ແລະ ໃນຕອນບ່າຍອຸ່ນຫະພູມອາກາດຈະເພີ່ມຂຶ້ນ 1-2 ອົງສາ. ອຸນຫະພູມໃນລະຫວ່າງ 16-29 ອົງສາ.


ພາກໃຕ້ (ປາກເຊ, ສາລະວັນ, ເຊກອງ, ທ່າແຕງ, ດາກຈຶງ ແລະ ອັດຕະປື) ທ້ອງຟ້າແຈ້ງ, ອາກາດຍັງໜາວເຢັນໃນຕອນກາງຄືນ ຫາ ຕອນເຊົ້າ ແລະ ມີໝອກບາງປົກຫຸ້ມຢູ່ທົ່ວໄປ. ສ່ວນຕອນບ່າຍອຸນຫະພູມອາກາດຈະສູງຂຶ້ນ 1 ຫາ 2 ອົງສາ. ອຸນຫະພູມໃນລະຫວ່າງ 14-31 ອົງສາ. ສຳລັບເຂດພູພຽງບໍລິເວນ ແລະ ນິຄົມ 34 ອາກາດໜາວເຢັນຫຼາຍ ພ້ອມມີໝອກໜາປົກຫຸ້ມຢູ່ທົ່ວໄປໃນຕອນເຊົ້າ, ອຸນຫະພູມໃນລະຫວ່າງ 4-25 ອົງສາ.